Pyetje të Shpeshta
Këtu gjeni përgjigjet e pyetjeve që na bëhen më shpesh. Nëse nuk e gjeni atë që kërkoni, na shkruani nga faqja e profilit tuaj.
Çfarë është Kodi Energjitik?
Është një platformë që merr datën tuaj të lindjes dhe nxjerr prej saj një profil personal, duke bashkuar tre sisteme të lashta: numerologjinë, astrologjinë perëndimore dhe zodiakun kinez.
A është falas?
Regjistrimi dhe profili bazë janë falas. Krijoni llogarinë, vendosni datën e lindjes dhe merrni menjëherë leximin tuaj dhe Energjinë e Ditës.
Pse ju duhet data ime e lindjes?
Sepse e gjithë llogaritja niset prej saj. Numri i rrugës së jetës vjen nga shuma e shifrave të datës, shenja e zodiakut nga dita dhe muaji, kurse kafsha kineze nga viti. Pa datën e saktë, rezultati nuk ka kuptim.
Çfarë është Energjia e Ditës?
Është një numër që ndryshon çdo ditë, i shoqëruar me një mesazh. Nuk varet nga data juaj e lindjes, por nga data e sotme. Prandaj ia vlen ta kontrolloni çdo mëngjes.
Si ndryshon Energjia Kryesore nga ajo Dytësore?
Energjia Kryesore llogaritet nga e gjithë data e lindjes dhe përshkruan rrugën tuaj të përgjithshme. Energjia Dytësore vjen vetëm nga dita e muajit dhe tregon një anë më të përditshme të karakterit.
A mund të shoh përputhshmërinë me dikë tjetër?
Po. Te Kalkulatori vendosni dy data lindjeje dhe merrni një krahasim mes dy personave: për partnerin, një mik apo një koleg.
A mund të ruaj datat e njerëzve të mi?
Po. Profilet e ruajtura ju lejojnë të mbani datat e familjarëve dhe miqve, që të mos i shkruani sa herë. I gjeni gjithmonë te profili juaj.
Nuk më erdhi email-i i verifikimit. Çfarë të bëj?
Kontrolloni fillimisht dosjen Spam ose Promovime. Nëse sërish nuk është aty, te faqja pas regjistrimit klikoni "Ridërgoni email-in". Linku skadon pas 24 orësh.
A janë të sigurta të dhënat e mia?
Fjalëkalimi ruhet i koduar dhe nuk lexohet dot as prej nesh. Data juaj e lindjes përdoret vetëm për të llogaritur profilin tuaj dhe nuk u shitet apo u jepet palëve të treta. Detajet e plota i gjeni te Politika e Privatësisë.
Si e fshij llogarinë time?
Te Cilësimet, në fund të faqes, gjeni mundësinë e fshirjes së llogarisë. Ju kërkohet fjalëkalimi për konfirmim. Fshirja është e menjëhershme dhe e pakthyeshme.
A është kjo shkencë?
Jo. Numerologjia dhe astrologjia janë sisteme simbolike me histori mijëravjeçare, jo shkencë e mirëfilltë. Ne i paraqesim si mjete reflektimi dhe vetënjohjeje. Mos i përdorni si zëvendësim për këshillë mjekësore, ligjore apo financiare.